توصيل مجاني للطلبات أكتر من 150 شيكل

رسالة إلى حبيبتي وزوجتي المُستقبلية ، رح ندخن كتير !!



رسالة إلى حبيبتي وزوجتي المُستقبلية ، رح ندخن كتير !!

حبيبتي

اشتقتلك ، تحية بطعم الاكل المحروق الي دك تعمليه ، اللي رح يكون اسوء طعم دقتو بحياتي
بس أطيبها ع قلبي :*
عارفة شو رح نعمل بس تكوني الي؟ 🙈


رح نكون صحاب ، رح نكون عيلة
مش رح نسكن قصر ، رح نكون بغرفة ونسمع اغاني غريبة ، ونكون مجانين وندخن !
اه رح ندخن
بس ع طريقتنا الخاصة ، نحوش مصاري الدخان ، ونعمل الي بدنا ياه ونسافر ونتهبل والكل يغار منا

 

وكمان رح نطاوش وأكرهك ، وتكرهيني بس جواتنا بنموت الف موتة !!

أكرهك ، انا كزاب

ما بكرهك الا من غيرتي وخوفي عليكي !!
معلش دك تتحملي جنوني وعصبيتي ، عشان لما اغار بكون زي السكران مخي مش معي
ماضيكي ما بهمني .. الي بهمني يومك معي !! مستقبلك معي !
ومش رح افرض حالي عليكي
لا رح يكون النقاش اساس حياتنا ، ، والي بصير بينا يضل بينا

حبيبتي


بديش تعمليلي أكل ؟ رح نعملو مع بعض
بديش تحطي اصبعك في الشاي ؟ مش رح يصير حلو ، انتي مش سكر
بديش ترقصيلي ؟ رح ارقص معك

حبيبتي


بيوم من الايام حتكوني الي ♥
انتي ما بتتخيلي حبي الك ، وتفكيري فيكي
ما تخافي
همك همي ، سعادتك سعادتي
واذا أي شي مدايقك
تذكري اني دايماً جنبك ، بوعدك ♥

 

بهديكي هاي الأغنية لـ عزيز مرقة .. ومنها أحلى مقطع اللي بقول : كل ما تحسي غصة بقلبك انا هيني دايماً جنبك

 

 

تعليق