توصيل مجاني للطلبات أكتر من 150 شيكل

طريقة عمل بي بال يعمل في فلسطين ، لاستقبال وارسال الاموال والشراء عبر الانترنت



طريقة عمل بي بال يعمل في فلسطين ، لاستقبال وارسال الاموال والشراء عبر الانترنت



موقع بي بال ، يعتبر أكتر موقع الكتروني مهم في مجال الدفع والشراء من المواقع التجارية عبر الإنترنت ، من خلاله بتقدر ترسل وتستقبل أموال لأي عنوان بدك ياه وكتير سهل وسريع ، وأحسن ميزة كمان أنه إذا ما وصلك المنتج بضمنلك حماية لأموالك




السلام عليكم ، لكل شخص حابب يعمل حساب باي بال فلسطينيي
ويدخل عالم التجارة الالكترونية والربح من الانترنت ، والبيع على ايباي وشوبيفاي بس دايماً متغلب لأنه باي بال ما بدعم فلسطين
طيب مش مشكلة اليوم جبتلكم الشرح الصافي الوافي ورح تدعيلي عليه

قبل ما ابلش في ملاحظة صغيرة ، عنا بالضفة في ناس بخربشو بين paypal و palpay مع انه في فرق كبير بينهم خليني أحكيه ع السريع :

بي بال موقع أمريكي عالمي تابع لموقع ايباي بتقدر من خلاله ترسل وتستقبل أموال لأي عنوان بدك ياه وكتير سهل وسريع ، وضمان لحماية أموالك
بال بي هي شركة فلسطينية بتقدم خدمة دفع الكتروني بتسهل ع الناس دفع الالتزامات متل الكهرباء والمي اشتراكات واقساط الجامعة وهيك أمور ، يعني بتروح على مكتب أو معرض بدعم دفع بال بي عليك فاتورة معينة بتدفع وبعطيك وصل يعني فرق شاسع بينه وبين باي بال
وهدول ملاحظات مهمة اقرأهم

1 : حضّر صورتك الشخصية واسم المستخدم اللي بدك تعمله متل هيك
paypal.me/sheroodes واعمل حسابك ما بتقدر تغيره بعد ما تنشئه

2 : إيميل من جوجل الأفضل للحماية عشان تضمن ما يصير مشاكل باستقبال رسائل التأكيد وهيك أمور ، هاي واضحة بتوقع يعني بكون عندك إيميل مثل sheroo@gmail.com

3 : يكون معك شريحة سلكوم اسرائيلية لأنه الباي بال ما ببعت رسالة تأكيد على أرقام جوال أو وطنية ، ازا ما معك شريحة اشتري شريحة ب 10 شيكل وخليها للباي بال بس ودير بالك هاي الشغلة ضرورية كتير .

4 : لازم يكون معك بطاقة فيزا من البنك العربي أو بطاقة فيزا من بنك فلسطين ، لأنه هدول الي أنا جربتهم شخصياً وعشان تعمل أي بطاقة منهم لازم يكونلك وعشان يكونلك حساب جاري لازم يكون راتبك بنزل ع البنك أو تجيبلهم ورقة تثبت أنك بتشتغل وبفوت عليك دخل شهري ويكون عمرك فوق الـ 18 .

5 : قبل ما تضيف البطاقة وعشان ما يواجهك مشاكل ما تعمل ولا حركة على الحساب ، البطاقة لازم تكون سارية المفعول وشغالة رن ع البنك وتأكد منهم يعني ما اطلعها اليوم وتجرب تربطها اصبر 48 ساعة ، وكمان لازم يكون فيها أقل شي 3 دولار عشان لما تضيفها الباي بال رح يخصم 2 دولار لحتى يتأكد من انها بطاقة سليمة .

6 : بعد ما تضيف البطاقة بكتبلك انه بده 48 ساعة يعني يومين لجتى يبعتو كود التفعيل ، هيك انت خلال يومين لـ 4 أيام بتضلك متابع حسابك في البنك عن طريق الأون لاين ، أو بترن عليهم يعطوك الرقم
تعليق